फ्लाय९१कडून विमान प्रवासात खाद्यपदार्थांसाठी ऑनलाईन पर्याय; इनफ्लाइट जेवणासाठी युपीआयद्वारे बुकिंगची सुविधा
फ्लाय९१कडून विमान प्रवासात खाद्यपदार्थांसाठी ऑनलाईन पर्याय; इनफ्लाइट जेवणासाठी युपीआयद्वारे बुकिंगची सुविधा
~आता विमानप्रवासादरम्यान खाद्यपदार्थांचा आस्वाद घेण्यासाठी ऑनलाईन पेमेंटची सुविधा उपलब्ध.
सिंधुदुर्ग, मे २०२५: फ्लाय९१ या प्रादेशिक विमानसेवेने आता प्रवाशांसाठी एक नवा सोयीचा पर्याय उपलब्ध करून दिला आहे. आता प्रवासी विमानप्रवासादरम्यान खाद्यपदार्थ आणि पेये खरेदी करण्यासाठी युपीआय (UPI) द्वारे ऑनलाईन पेमेंट करू शकतात. यापूर्वी या सेवांसाठी केवळ रोख रक्कम स्वीकारली जात होती.
फ्लाय९१ ही एक डिजिटल नेटिव्ह, म्हणजेच तंत्रज्ञानाला चालना देणारी आधुनिक विमानसेवा आहे. ऑटो चेक-इन सुविधा, इंधन-कार्यक्षम एटीआर (ATR) विमानांचा वापर, ग्राहकांशी संवाद साधण्यासाठी कॉल सेंटरऐवजी चॅटबॉट्सचा वापर, कागदविरहित कार्यालये राखणे अशा अनेक नवोपक्रमांद्वारे फ्लाय९१ कार्यक्षमतेत वाढ करत असून ग्राहकांना अधिक सुलभ आणि आधुनिक अनुभव देत आहे. युपीआयद्वारे इन-फ्लाइट पेमेंटची अलीकडील सुविधा हेच त्याचे एक उत्तम उदाहरण आहे.
बहुतेक विमानसेवांमध्ये चेक-इन झाल्यानंतर जेवण बुक करता येत नाही. मात्र, फ्लाय९१ने या परंपरेला छेद देत प्रवाशांसाठी एक वेगळी सुविधा सुरू केली आहे. यानुसार प्रवासी आता उड्डाणाच्या दिवशी, अगदी चेक-इन केल्यानंतरही आपलं जेवण बुक करू शकतात. विमानतळावर काउंटरवर, बोर्डिंग गेटवर किंवा विमानात आपल्या सीटवर असलेला QR कोड स्कॅन करून ही प्रक्रिया पूर्ण करता येते. फ्लाइट सुरू होण्यापूर्वी युपीआय(UPI)च्या माध्यमातून पेमेंट करता येत असल्याने ही सेवा अधिक सोयीची आणि जलद ठरते. फ्लाय९१ची ही नवी सुविधा प्रवाशांच्या सोयीसाठी एक मोठं पाऊल ठरत आहे.
“एक प्रादेशिक विमानसेवा म्हणून, आम्ही नेहमीच प्रवाशांचा संपूर्ण प्रवास अनुभव अधिक सोयीचा आणि सुखद बनवण्यासाठी वापरण्यास सुलभ अशा डिजिटल फ्रेमवर्कचा आधार घेत आलो आहोत. विमानात युपीआय(UPI)आधारित डिजिटल पेमेंटची सुरुवात ही आमच्या प्रवाशांसाठी अधिक सुविधा, लवचिकता आणि उबदार जेवण उपलब्ध करून देण्याकडे एक महत्त्वपूर्ण पाऊल आहे. कमी अंतराच्या प्रादेशिक मार्गांवर दर्जेदार सेवा देतानाच, फ्लाय९१ चा ‘डिजिटल-फर्स्ट’ उपक्रम एकसंध आणि कॅशलेस प्रवासासाठी आमची वचनबद्धता अधोरेखित करतो,” असे फ्लाय९१ चे एमडी आणि सीईओ मनोज चाको म्हणाले.
ऑनबोर्ड सेवेचा भाग म्हणून, फ्लाय९१ एक खास मेनू ऑफर करते . मेनूमध्ये पोहे, उपमा, डाळ भात, बिर्याणी आणि नूडल्स असे चविष्ट गरम जेवण समाविष्ट आहे. प्रवासी चहा आणि कॉफीसारखे गरम पेय देखील घेऊ शकतात. हलक्या स्नॅक्ससाठी, चीज आणि मेयो डिपसह दिल्या जाणाऱ्या रागी चिप्स (मसाला आणि जलापेनो फ्लेवर्समध्ये), काजू आणि बदामांचे मिश्रण, चोको बदाम, चोको काजू आणि पीनट बटर सारख्या मजेदार फ्लेवर्समध्ये कुकीजसारखे अनोखे पर्याय आहेत. निवडण्यासाठी अनेक ज्यूस देखील आहेत – ज्यामध्ये सफरचंद डिलाईट, तिखट बिंबली, आंबा, जामुन आणि आम पन्ना यांचा समावेश आहे.
मार्च २०२४ पासून कार्यरत असलेले फ्लाय९१ सध्या गोव्याला पुणे, हैदराबाद, सिंधुदुर्ग, जळगाव आणि अगत्ती (लक्षद्वीप) शी जोडते आणि गोव्यातील मनोहर आंतरराष्ट्रीय विमानतळावरून एटीआर ७२-६०० विमानांचा वाढता ताफा चालवते. पुढील पाच वर्षांत भारतातील ५० हून अधिक शहरांना जोडण्याच्या योजनांसह, फ्लाय९१ प्रादेशिक उड्डाणे अखंड, कार्यक्षम आणि ग्राहक-प्राधान्यपूर्ण करण्यावर लक्ष केंद्रित करत आहे.
