कोल्हापूर येथे संपन्न झालेल्या संविधानाच्या प्रास्ताविकेच्या विश्वविक्रमी महागायन सोहळ्यात वेंगुर्ला तालुक्यांतील होडावडे येथील श्रीया माणगावकर यांचा सहभाग
कोल्हापूर येथे गुपमधुन संस्कृत भाषेत केलेले गीतगायन
कोल्हापूर येथे संपन्न झालेल्या संविधानाच्या प्रास्ताविकेच्या विश्वविक्रमी महागायन सोहळ्यात वेंगुर्ला तालुक्यांतील होडावडे येथील श्रीया माणगावकर यांचा सहभाग
कोल्हापूर येथे गुपमधुन संस्कृत भाषेत केलेले गीतगायन
तळवडे येथील ब्लूमिंग बड्स प्री प्रायमरी स्कूल मध्ये सध्या आहेत कार्यरत
सावंतवाडी:
सुमधुर संगीताच्या ठेक्यावर सोळाशे कलाकारांनी सादर केलेल्या भारतीय संविधानातील प्रस्ताविकेने कोल्हापुरातील दसरा चौकात अनोख्या विश्वविक्रमाची नोंद केली.
मुंबई, कोकणसह विविध जिल्ह्यांतील कलाकार या गाण्याच्या सोहळ्यात सहभागी झाले होते. देशातील विविध भागांतून आलेल्या गायक कलाकारांनी मराठी, इंग्रजी, संस्कृत, आसामी, मैथिली, राजस्थानी, हिंदी, भोजपुरी, उर्दू, नेपाळी अशा विवध वीस भाषांतील संविधानाच्या पुस्तकेचे गायनाद्वारे सादरीकरण केले.
यातील संस्कृत भाषेतील संविधान गायनात तळवडेतील ब्लूमिंग बड्स प्री प्रायमरी स्कूलच्या शिक्षिका व होडावडे येथील रहिवासी श्रिया मंगेश मागांवकर यांनी सहभाग घेतला. लवकरच त्यांना या सहभागाबद्दल मेडल देऊन सन्मानित करण्यात येणार आहे.
श्रिया माणगांवकर यांना कोल्हापूरच्या एका ग्रुपमधून या कार्यक्रमाविषयी माहिती मिळाली. त्यावेळी संस्कृत भाषेसाठी नाव नोंदणी करून पाठवलेल्या ट्रॅकनुसार त्यांनी गीताचा सराव सुरू केला. त्यानंतर रविवारी झालेल्या संविधान गीत गायनाच्या महासोहळ्यात त्यांनी प्रत्यक्ष गायनात सहभाग घेतला.संविधानाच्या प्रस्ताविकेचे विश्वविक्रमी महागायन हा कौतुकास्पद आणि अभिनंदनीय उपक्रम असल्याचं केंद्रीय सामाजिक न्याय राज्यमंत्री रामदास आठवले यांनी सांगितलं.रविवारी सायंकाळी हा सोहळा रंगला. भारत सरकार, सांस्कृतिक मंत्रालय, सामाजिक न्याय आणि विशेष सहाय्य विभाग यांच्या वतीने भारतीय संविधान आणि लोकशाहीच्या अमृतमहोत्सवी दिनानिमित्त ‘हम भारत के लोग’ हा कार्यक्रम झाला.
कोल्हापूर जिल्हा प्रशासन आणि डॉ. बाबासाहेब आंबेडकर संशोधन व प्रशिक्षण संस्था तसेच अश्वघोष कल्चर फाउंडेशनच्या सहकार्याने हा कार्यक्रम रविवारी संध्याकाळी कोल्हापुरातील दसरा चौकात पार पडला.
कार्यक्रमाला केंद्रीय सामाजिक न्याय राज्यमंत्री रामदास आठवले, पालकमंत्री प्रकाश आबिटकर, राज्य नियोजन मंडळाचे कार्यकारी अध्यक्ष आमदार राजेश क्षीरसागर, सामाजिक न्याय विभागाचे प्रधान सचिव हरदीप कांबळे, बार्टीचे महासंचालक सुनील वारे, जिल्हाधिकारी अमोल हेगडे यांची प्रमुख उपस्थिती होती.
कबीर नाईक नवरे यांच्या संकल्पनेतून ‘हम भारत के लोग’ अर्थात संविधान गीताचा महा विश्वविक्रम हा कार्यक्रम सादर झाला. धर्मेंद्र देशमुख यांनी संविधान पुस्तिकेच्या गायनाचा विश्वविक्रम झाल्याचे जाहीर केले. विश्वविक्रमाचे प्रशस्तीपत्र कबीर नाईक नवरे यांना रामदास आठवले यांच्या हस्ते प्रदान करण्यात आलं.संविधान पुस्तिकेचे विश्वविक्रमी महागायन हा कौतुकास्पद कार्यक्रम असल्याचं नामदार आठवले यांनी सांगितलं. यावेळी समाज कल्याण विभागाचे सहाय्यक आयुक्त सचिन साळे, प्राध्यापक आनंद भोजणे, सतीश मार्गे, उत्तम कांबळे, शहाजी कांबळे यांच्यासह नागरिक उपस्थित होते. तीन तासांहून अधिक काळ रंगलेल्या या सोहळ्यासाठी दसरा चौकात रसिकांनी मोठी गर्दी केली होती.
