सावंतवाडी नगरपरिषद नगराध्यक्षपदाच्या अपक्ष उमेदवार सौ. अन्नपूर्णा कोरगावकरांची जोरदार प्रचारफेरी!
सावंतवाडी नगरपरिषद नगराध्यक्षपदाच्या अपक्ष उमेदवार सौ. अन्नपूर्णा कोरगावकरांची जोरदार प्रचारफेरी!
सावंतवाडी, दि- २२:-
सावंतवाडी नगरपरिषद नगराध्यक्षपदाच्या निवडणुकीत अपक्ष उमेदवार म्हणून रिंगणात उतरलेल्या माजी उपनगराध्यक्षा सौ. अन्नपूर्णा कोरगावकर यांनी आपला प्रचार शहरात अधिक तीव्र केला आहे. आपल्या समर्थक कार्यकर्त्यांसह त्यांनी आज संपूर्ण शहराचा कानाकोपरा पिंजून काढला.
जनतेच्या समस्या जाणून घेण्यासाठी सौ. कोरगावकर यांनी लोकांच्या भेटीगाठींवर लक्ष केंद्रित केले आहे. यावेळी नागरिकांनी मांडलेल्या प्रश्नांवर आणि समस्यांवर लक्ष देऊन त्या सोडवण्यासाठी आपला भर राहील, असे आश्वासन त्यांनी दिले.
या प्रचारफेरीत त्यांच्यासोबत अवधूत नाटेकर, अखिलेश कोरगावकर, ऐश्वर्या कोरगावकर, व्यंकटेश शेठ, विनिता नाटेकर, एलिडा डिसोजा, शितल डिसोजा, आदी प्रमुख कार्यकर्त्यांनी सक्रिय सहभाग घेतला.
प्रचाराला नागरिकांकडून उत्स्फूर्त प्रतिसाद मिळत असल्याचा विश्वास व्यक्त करत, सौ. कोरगावकर म्हणाल्या, “जनता माझ्या सोबत आहे आणि माझा विजय निश्चित होईल.” या विधानामुळे सावंतवाडीच्या नगराध्यक्षपदाची लढत आणखीनच चुरशीची झाली आहे.
