राजघराण्याने बजावला मतदानाचा हक्क: लोकशाहीत सहभाग
राजघराण्याने बजावला मतदानाचा हक्क: लोकशाहीत सहभाग
सावंतवाडी:
कोणतीही निवडणूक असो, सावंतवाडीतील नेते, पुढारी आणि पदाधिकारी हे सावंतवाडी संस्थांनच्या राजघराण्याचा आशीर्वाद घेऊन मतदानाला जातात. मात्र, यावेळी सावंतवाडी नगरपालिकेच्या निवडणुकीत एक ऐतिहासिक क्षण पाहायला मिळाला.
राजघराण्याच्या सुनबाई श्रद्धा सावंत भोसले या नगराध्यक्ष पदासाठी निवडणुकीला सामोरे जात असल्याने, राजघराण्यातील व्यक्तींना पहिल्यांदाच आपल्याच व्यक्तीला मतदान करण्याची संधी मिळाली.
राजघराण्याने रांगेत उभे राहून केले मतदान
मतदानाच्या दिवशी सावंतवाडी संस्थांनच्या राजघराण्याने एकत्रित येत रांगेत उभे राहत खासकीलवाडा येथील शाळा क्रमांक ४ या मतदान केंद्रावर मतदानाचा हक्क बजावला.
राजघराण्याने रांगेत उभे राहून केले मतदान
मतदानाच्या दिवशी सावंतवाडी संस्थांनच्या राजघराण्याने एकत्रित येत रांगेत उभे राहत खासकीलवाडा येथील शाळा क्रमांक ४ या मतदान केंद्रावर मतदानाचा हक्क बजावला.
- खेम सावंत भोसले (सावंतवाडी संस्थानचे)
- युवराज लखम सावंत भोसले
- शुभदा देवी भोसले
- श्रद्धा सावंत भोसले (नगराध्यक्षपदाच्या उमेदवार)
- उर्वशी सावंत भोसले
यांनी आपले मतदान केले. “मतदान करून लोकशाही बळकट करूया” असा संदेश यावेळी राजघराण्याच्या सदस्यांनी दिला.
तणावानंतरही शांततेत मतदान
आज सकाळी सावंतवाडीतील २१ केंद्रांवर मतदारांची गर्दी झाली होती. दरम्यान, प्रभाग क्रमांक सातच्या केंद्रावर थोडा तणाव निर्माण झाला होता. पोलीस यंत्रणेसोबत शिवसेनेच्या पदाधिकाऱ्यांनी केंद्राजवळ अनोळखी व्यक्ती येत असल्याचा आक्षेप घेतला आणि तक्रार केली. यामुळे काही काळ वातावरण तणावपूर्ण झाले होते. मात्र, बाकी सर्वत्र मतदान प्रक्रिया शांततेत आणि सुरळीत पार पडत होती.
